კომეტა მუმინების ხეობაში (წიგნი პირველი)

კომეტა მუმინების ხეობაში:

„კომეტა მუმინების ხეობაში“ ტუვე იანსონის მუმინების სერიის ერთ-ერთი გამორჩეული და ჯადოსნური ამბავია.

„კომეტა დედამიწას დაეჯახება 7 აგვისტოს საღამოს 8 საათსა და 42 წუთზე, შესაძლოა, 4 წამით გვიან“.

რა ელის დედამიწას? მუმინტროლი და სნიფი ობსერვატორიის საპოვნელად გაემართებიან, საიდანაც არცთუ დამაიმედებელი ამბით, მაგრამ ახალ მეგობრებთან ერთად დაბრუნდებიან.

 ავტორი

ფინელი მხატვარი და მწერალი ტუვე იანსონი 25 წლის განმავლობაში ქმნიდა მუმინების სამყაროს. მუმინების ხეობაში სიყვარულით, მზრუნველობითა და თანაგრძნობით ერთმანეთისგან სრულიად განსხვავებულ არსებებს – სნორკებს, ჰემულებს, ფილიფიონკებსა თუ მიმლებს და ყველაზე უჩვეულო, უკარება, მარტოსულ სტუმარსაც კი თავს შინ აგრძნობინებენ.

ტუვე იანსონის უმთავრეს ადამიანურ ღირებულებებზე აგებული მსოფლმხედველობა მთელ მსოფლიოში მილიონობით მკითხველს ხიბლავს.