პატარა მაწანწალები

ჯანი როდარის „პატარა მაწანწალები“ არაჩვეულებრივი ამბავია, რომელიც თანატოლების მიმართ თანაგრძნობასა და სიყვარულს გაგიჩენთ.

ომით გამოწვეული გაუსაძლისი სიღარიბისთვის თავი რომ დაეღწიათ, ანა, დომენიკო და ფრანჩესკო დედამ და ბიძამ ძია ვინჩენცოს მიაბარეს. ბავშვებს მოწყალების სათხოვნელად მთელი იტალია უნდა მოევლოთ და ასე ეშოვათ საარსებო ლუკმაპური. ქალაქიდან ქალაქში ხეტიალისას პატარა მაწანწალები გზად ათასი ჯურის ადამიანებს გადაეყარნენ და ათას ხიფათშიც აღმოჩნდნენ, მაგრამ მათ მაინც შეძლეს, მძიმე ყოფას გაჰქცეოდნენ და კეთილშობილ, ძლიერ და გამბედავ ადამიანებად ქცეულიყვნენ.

ჯანი როდარი სიყვარულისა და სასწაულების გამავრცელებელი მეზღაპრეა. მისი პერსონაჟები საინტერესო ამბებს გვიყვებიან და ნამდვილ სამყაროში მოგზაურობით საუცხოო შთაბეჭდილებებს გვიტოვებენ.