1928 წელს პენსილვანიაში დაბადებული ენდი უორჰოლის მშობლები ევროპელი ემიგრანტები იყვნენ, რომლებიც 20-იან წლებში ნიუ-იორკში გადასახლდნენ.
ენდიმ კარიერა მოდური ჟურნალებისთვის სარეკლამო მასალების შექმნით დაიწყო, შემდეგ კი პოპკულტურაში სრული გადატრიალება მოახდინა. უორჰოლის შემდეგ პოპკულტურად აღიქმებოდა ყველაფერი _ კოკა-კოლითა თუ კემპბელის სუპით დაწყებული, მერილინ მონრო პორტრეტით დამთავრებული.
უორჰოლი ქმნიდა სარეკლამო პოსტერებს, ფილმებს, ინსტალაციებს, ნახატებსა და სკულპტურებს; იღებდა უამრავ ფოტოს და მისი ავტოპორტრეტები თუ ცნობილი ადამიანებისთვის გადაღებული სურათები დღემდე პოპულარულია.
ის უდავოდ იყო ყველა დროის ერთ-ერთი გამორჩეულად გავლენიანი ფიგურა, რომლის გარშემოც ტრიალებდა არა მხოლოდ პოპკულტურა, არამედ მისი დროის უამრავი ცნობილი მუსიკოსი, მხატვარი თუ მსახიობი.
