„ძია ტიკ-ტაკის მოგზაურობა“ ერთ ზღაპრულ კაცზე მოგითხრობთ, რომელიც თავის საყვარელ ვეფხვთან ერთად სამოგზაუროდ მიდის, რათა გადაცუროს დროის მდინარე და ცისარტყელას ბოლოს მიაღწიოს. დონალდ ბისეტმა საბავშვო მოთხრობების მთელი სერია შექმნა. ის წიგნებში არა მარტო აცოცხლებდა ჩანაფიქრს, არამედ თავადვე ხატავდა ილუსტრაციებს და თავისი ზღაპრების სატელევიზიო ვერსიების შექმნასაც ხელმძღვანელობდა.
