რკინიგზის ბავშვები

“მამის დაპატიმრების შემდეგ, ბობი, პიტერი და ფილისი დედასთან ერთად ლონდონიდან სოფელში გადავიდნენ საცხოვრებლად და მათი ცხოვრება თავდაყირა დადგა. თუმცა, ბავშვები ნამდვილ თავგადასვლებში გაეხვივნენ და, კეთილი მეგობრების წყალობით, მამის დიდი გაუგებრობიდან დახსნასაც შეძლეს.

სერია „უკვე ჩემით ვკითხულობ“ განკუთვნილია დამწყები მკითხველებისთვის, რომლებმაც ახლა უნდა გადადგან პირველი ნაბიჯები ამ გზაზე. ტექსტები მარტივი, ნაცნობი ლექსიკითაა შედგენილი, წინადადებები მოკლეა, რამდენიმემარცვლიანი სიტყვები ხშირად მეორდება, რაც ჯერაც გამოუცდელ მკითხველს გაუადვილებს უკვე ნაცნობი სიტყვის ამოკითხვას და თავდაჯერებულობას შეჰმატებს მას.  ყოველი მომდევნო საფეხური ოდნავ რთულდება, რაც ეხმარება ბავშვს, ნელ-ნელა დაძლიოს ახალი გამოწვევები და ჩამოყალიბდეს გაწაფულ მკითხველად.”

—  მაია ლორთქიფანიძე,  დაწყებითი სკოლის ქართული ენისა და ლიტერატურის მასწავლებელი.

აუდიოვერსიაში წიგნს კითხულობს დავით ველიჯანაშვილი.